
الفيديو التعريفي متاح للمشاهدة بالأسفل في قسم “المنهج” (Course Curriculum) مع أول محاضرة.
🟢 أغلب المشاريع الكبيرة دلوقتي مش بتشتغل على موديلات محفوظة على الأجهزة. الشغل كله بقى على الكلاود من خلال أوتوديسك فورما، وخطط تنفيذ البيم ومتطلبات المالك بقت بتطلب ده صراحةً. ومع ذلك، ناس كتير بتدخل المشروع ومتعرفش ترتب الفولدرات، أو تسمّي الملفات صح، أو تدي صلاحيات، أو حتى تفتح موديل وتشتغل عليه مع زمايلها في نفس الوقت.
🟢 الكورس ده مبني على مشروع حقيقي وبطريقة الشغل الفعلية في الشركات، مش مجرد شرح لزراير البرنامج.
هنبدأ بفهم مبدأ بيئة البيانات المشتركة وإزاي الملف بيتنقل بين مراحلها، من تحت التنفيذ لحد الاعتماد والأرشيف، حسب معيار الأيزو 19650. وبعدها هنشرح نظام تسمية الملفات وإزاي تبنيه لمشروعك. وبعد كده هنطبق ده عملياً: نجهز المشروع من الصفر بالأعضاء والشركات وهيكل الفولدرات والصلاحيات، ونعمل مسارات الاعتماد، ونشرح المراجعات وخطابات إرسال المستندات.
هنرفع الموديلات على الكلاود، ونشتغل أكتر من شخص على نفس الموديل في نفس الوقت. هنشرح المزامنة، وطلبات التعديل، والنشر، وإزاي تتجنب المشاكل اللي بتحصل في الشغل الجماعي.
هنربط موديلات التخصصات المختلفة ببعض من على الكلاود، ونشرح نظام الفرق وحزم التبادل. وهنوضح الفرق بين الطريقة الرسمية للبرنامج والطريقة اللي بتتعمل فعلاً في المشاريع، علشان تبقى جاهز للاتنين.
🎯 في آخر الكورس، هتقدر تستلم مشروع على الكلاود، تجهزه، وتشتغل عليه مع فريقك بثقة.
يمكنك الدفع مباشرة على الموقع باستخدام الفيزا، الماستر كارد، أو PayPal.
إذا كنت تفضل الدفع عبر فودافون كاش، ويسترن يونيون، أو إنستاباي (InstaPay)، يرجى التواصل معنا مباشرة عبر: